slider gif

slider gif

kilimanjaro CAN ONLY B CLIMBED FROM TZ

kilimanjaro CAN ONLY B CLIMBED FROM TZ

Wednesday, October 18, 2017

NAIBU WAZIRI WA MALIASILI, MHE. JAPHET HASUNGA, AWASILI MAKAO MAKUU YA WIZARA MJINI DODOMA LEO, AOMBA USHIRIKIANO WA WATUMISHI KUTEKELEZA MALENGO YA WIZARA

NA HAMZA TEMBA - WMU-DODOMA
........................................................................................
Naibu Waziri wa Maliasili na Utalii, Mhe. Japhet Ngailonga Hasunga leo tarehe 18 Oktoba, 2017 ameripoti rasmi Makao Makuu ya Wizara hiyo yaliyopo Mtaa wa Kilimani, Makao Makuu ya Nchi, Mjini Dodoma.

Mhe. Hasunga amepokelewa na Katibu Mkuu wa Wizara hiyo, Meja Jenerali Gaudence Milanzi na kuingia ofisini kwake kwa mara ya kwanza ambapo amesaini kitabu cha wageni na baadaye akapata fursa ya kuzungumza na watumishi wa Wizara hiyo waliopo Dodoma.

Akizungumza na watumishi hao baada ya kutambulishwa, Mhe. Hasunga aliwaomba ushirikiano katika kufanikisha majukumu ya Wizara ambayo ni kuhifadhi na kusimamia matumizi endelevu ya maliasili na malikale, na kuendeleza ufugaji nyuki na utalii.

“Nawaombeni ushirikiano tufanye kazi kama timu na tutekeleze majukumu yale ambayo tumepewa, nadhani kwa ushirikiano kwa pamoja tutaweza”. Alisema Mhe. Hasunga.

Naibu Waziri Hasunga ni mingoni mwa mawaziri wapya walioteuliwa na Mhe. Rais, Dkt. John Pombe Magufuli na kuapishwa Oktoba 9, 2017 baada ya kufanya mabadiliko ya Baraza la Mawaziri. Awali nafasi hiyo ilikuwa imeshikiliwa na Mhe. Mhandisi Ramo Makani.

Aidha, katika uteuzi huo, Dkt. Magufuli alimteua pia Mhe. Dkt. Hamisi Andrea Kigwangalla kuwa Waziri wa Wizara hiyo akichukua nafasi ya Mhe. Prof. Jumanne Maghembe. 
Naibu Waziri wa Maliasili na Utalii, Mhe. Japhet Hasunga (kushoto) akikaribishwa na Katibu Mkuu wa Wizara hiyo, Meja Jenerali Gaudence Milanzi (katikati) alipowasili kwa mara ya kwanza katika ofisi ya makao makuu ya wizara hiyo zilizopo mtaa wa Kilimani mjini Dodoma leo. Kulia anaeshuhudia ni Mkurugenzi wa Idara ya Utawala na Rasilimali Watu, Tutubi Mangazeni.
Katibu Mkuu wa Wizara ya Maliasili na Utalii, Meja Jenerali Gaudence Milanzi (kushoto) akimtambulisha Naibu Waziri wa Wizara hiyo, Mhe. Japhet Hasunga (kulia) kwa watumishi wa Wizara hiyo kabla ya kuzungumza nao leo mjini Dodoma.
 Naibu Waziri wa Maliasili na Utalii, Mhe. Japhet Hasunga (kushoto) akizungumza na baadhi ya watumishi wa wizara hiyo baada ya kuwasili kwa mara ya kwanza katika ofisi ya makao makuu ya wizara hiyo zilizopo mtaa wa Kilimani mjini Dodoma leo. 
 Naibu Waziri wa Maliasili na Utalii, Mhe. Japhet Hasunga (kushoto) akizungumza na baadhi ya watumishi wa wizara hiyo baada ya kuwasili kwa mara ya kwanza katika ofisi ya makao makuu ya wizara hiyo zilizopo mtaa wa Kilimani mjini Dodoma leo.   
Baadhi ya watumishi wa Wizara ya Maliasili wakimsikiliza Naibu Waziri wa Wizara hiyo, Mhe. Japhet Hasunga (hayuko pichani).
 Baadhi ya watumishi wa Wizara ya Maliasili wakimsikiliza Naibu Waziri wa Wizara hiyo, Mhe. Japhet Hasunga (hayuko pichani).

Tuesday, October 17, 2017

TANZANIA NA OMAN ZAFANYA MAZUNGUMZO YA KUANZISHA SOKO LA PAMOJA LA KUKUZA SEKTA YA UTALII

Waziri wa Maliasili na Utalii, Mhe. Dkt.Hamisi Kigwangalla amesema  Tanzania na Oman zimefanya mazungumzo ya pamoja ya namna ya kukuza sekta ya Utalii baina ya nchi hizo mbili ambapo zitashirikiana katika muingiliano wa Watalii watakaokuwa wakitokea moja kwa moja Oman na kuja Tanzania.

“Tumeweza kuzungumzia ushirikiano wa sekta ya Utalii. Hii ni pamoja na kuanzisha soko la pamoja  kati ya Oman na Tanzania. Watalii wanaokwenda Oman wanaotaka kuja nchi za Afrika basi waunganishwe moja kwa moja kutoka Oman na kuja Tanzania kwani wenzetu wana watalii wengi kuliko sisi. Hivyo ujio wao hapa nchini ni faida kubwa kabisa na tumejifunza mengi katika sekta hii.

"Pia tumeweza kujifunza namna wenzetu wanavyoitangaza nchi yao  na sisi tutatumia uzoefu huo kuboresha sekta hii ya Utalii kama dhamana tuliyopewa” alieleza Dk. Kigwangalla.

Awali Dk. Kigwangalla aliweza kutembelea meli hiyo ya kifahari ya Mfalme wa Oman Mhe. Qaboos bin Said ‘Fulk Al Salamah’ iliyofika mapema juzi Jijini Dar e Salaam ikiwa katika msafara wa kitaifa kati ya Serikali ya Oman na Tanzania.

Katika tukio hilo Mhe. Kigwangalla aliungana na msafara wa Makamu wa Rais wa Jamhuri ya Muungano wa Tanzania, Mhe. Mama Samia Suluhu Hassan katika chakula cha mchana ndani ya Meli hiyo ya Mfalme wa Oman Mhe. Qaboos bin Said  ijulinakanyo kama ‘Fulk Al Salamah’.

Meli hiyo ya kifahari ya Mfalme wa Oman ipo nchini hadi Oktoba 21.2017 kwa ajili ya kusambaza ujumbe wa ‘Amani na Upendo’ duniani, ambapo  baadaye itaelekea Mombasa nchini Kenya kwa madhumuni hayo hayo.Waziri wa Maliasili na Utalii, Mhe. Dkt.Hamisi Kigwangalla (wa pili kushoto) akipata maelezo kutoka kwa Naibu Waziri wa Utalii wa Oman, Bi.Maitha bint Saif Al Mahrouqi wakati alipotembelea meli hiyo ya kifahari ya Mfalme wa Oman Jijini Dar es Salaam jana.
Moja ya alama za kuvutia za Taifa la Oman katika meli hiyo.
Naibu Waziri wa Utalii wa Oman, Bi.Maitha bint Saif Al Mahrouqi (wa pili kushoto) akitoa maelezo kwa Waziri wa Maliasili Dkt. Hamisi Kigwangalla alipotembelea meli hiyo ya kifahari ya Mfalme wa Oman Jijini Dar es Salaam jana.
Picha ya Mfalme wa Oman Mhe. Qaboos bin Said ambayo ipo ndani ya meli hiyo ya kifahari.
Makamu wa Rais wa Jamhuri ya Muungano wa Tanzania, Mhe. Samia Suluhu Hassan (kushoto) akizungumza baada ya hafla ya chakula cha mchana ndani ya meli ya Mfalme wa Oman, jana Jijini Dar e Salaam.
Waziri Maliasili na Utalii Dkt. Hamisi Kigwangalla akizungumza na waandishi wa habari baada ya hafla ya chakula cha mchana ndani ya Meli ya Mfalme wa Oman Mhe. Qaboos bin Said ijulinakanyo kama ‘Fulk Al Salamah’ Jijini Dar es Salaam jana.
Waziri Maliasili na Utalii Dkt. Hamisi Kigwangalla akizungumza na waandishi wa habari katika ziara hiyo.
Meli ya Mfalme wa Oman Mhe. Qaboos bin Said ijulinakanyo kama ‘Fulk Al Salamah.

Sunday, October 15, 2017

MT. KILIMANJARO, THE AFRICA'S LEADING TOURIST ATTRACTION 2017

Its Mount Kilimanjaro again, named the best attraction in Africa.
The World Travel Awards serves to acknowledge, reward and celebrate excellence across all sectors of the global travel and tourism industry.
The 2017 awards for Africa took place at the five star Radisson Blu Hotel & Convention Centre in Kigali, Rwanda.
For another consecutive year, Mt. Kilimanjaro won the award for best attraction in Africa.
Out of 40 continental categories, Tanzania won the following;
Africa's Leading Tourist Attraction 2017
Mount Kilimanjaro, Tanzania

Africa's Leading All-Inclusive Resort 2017
Diamonds La Gemma dell'Est, Zanzibar, Tanzania

Africa's Leading Beach Resort 2017
Diamonds La Gemma dell'Est, Zanzibar, Tanzania

Africa's Leading Conservation Company 2017
&Beyond
Africa's Leading Game Reserve Brand 2017
Singita Game Reserves

Africa's Leading Low-Cost Airline 2017
fastjet

Africa's Leading Luxury Island 2017
Thanda Island, Tanzania

Africa's Leading Luxury Tour Operator 2017
Abercrombie & Kent

Africa's Leading Private Island Resort 2017
&Beyond Mnemba Island Lodge, Zanzibar

Africa's Leading Safari Lodge 2017
Four Seasons Safari Lodge Serengeti, Tanzania

Africa's Leading Luxury Island 2017
Thanda Island, Tanzania

Photo below, Mr ALLAN KIJAZI, Director General, Tanzania National Parks receiving the Kilimanjaro Award.


Saturday, October 7, 2017

MHE. RAIS, DKT. JOHN POMBE MAGUFULI AFANYA MABADILIKO YA WAZIRI NA NAIBU WAZIRI WA MALIASILI NA UTALII

Mhe. Dkt. Kigwangalla (kushoto) anachukua nafasi ya Mhe. Prof. Jumanne Maghembe wakati Mhe. Japhet Hasunga (kulia) akichukua nafasi ya Mhe. Mhandisi Ramo Makani.

Tuesday, October 3, 2017

NAIBU WAZIRI WA MALIASILI, MHANDISI RAMO MAKANI AONGOZA MAADHIMISHO YA SIKU YA KUTUNDIKA MIZINGA KITAIFA MKOANI SIMIYU

Naibu Waziri wa Maliasili, Mhandisi Ramo Makani akisalimiana na viongozi wa kamati ya ulinzi na usalama ya Wilaya ya Itilima mkoani Simiyu baada ya kuwasili wilayani hapo kwa ajili ya kuongoza maadhimisho ya siku ya utundikaji wa mizinga kitaifa yaliyofanyika jana mkoani humo.
Naibu Waziri wa Maliasili, Mhandisi Ramo Makani (kulia) akitundika mzinga wa kisasa wa nyuki katika Maadhimisho ya Siku ya Kutundika Mizinga kitaifa yaliyofanyika jana katika wilaya ya Itilima mkoani Simiyu. Jumla ya mizinga 50 ilitundikwa wilayani humo. Kauli Mbiu ya maadhimisho hayo ni “Ufugaji nyuki kibiashara unachangia katika ukuaji wa viwanda”.
Mkurugenzi wa Idara ya Misitu na Nyuki, Wizara ya Maliasili, Dkt. Ezekiel Mwakalukwa (kulia) akitundika mzinga wa kisasa wa nyuki katika Maadhimisho ya Siku ya Kutundika Mizinga kitaifa yaliyofanyika jana katika wilaya ya Itilima mkoani Simiyu. Jumla ya mizinga 50 ilitundikwa wilayani humo. Kauli Mbiu ya maadhimisho hayo ni “Ufugaji nyuki kibiashara unachangia katika ukuaji wa viwanda”. 
Naibu Waziri wa Maliasili, Mhandisi Ramo Makani (kulia) akimuelekeza jambo Mkurugenzi wa Idara ya Misitu na Nyuki wa Wizara hiyo, Dkt. Ezekiel Mwakalukwa kuhusu upatikanaji wa vifungashio bora vya mazao ya nyuki (asali na nta) wakati wa Maadhimisho ya Siku ya Kutundika Mizinga kitaifa yaliyofanyika jana katika wilaya ya Itilima mkoani Simiyu. 
 Naibu Waziri wa Maliasili, Mhandisi Ramo Makani (kulia) akipata maelezo kutoka kwa Afisa Nyuki wa TFS Kanda ya Ziwa, Samuel Magire kuhusu kifaa maalum aina ya Analogy Honey Refractometer kinavyopima ubora wa asali kwa kuangalia wingi wa maji na sukari wakati wa Maadhimisho ya Siku ya Kutundika Mizinga kitaifa yaliyofanyika jana katika wilaya ya Itilima mkoani Simiyu. Kauli Mbiu ya maadhimisho hayo ni “Ufugaji nyuki kibiashara unachangia katika ukuaji wa viwanda”. 
Naibu Waziri wa Maliasili, Mhandisi Ramo Makani (kulia) akipima ubora wa asali kwa kutumia kifaa maalum aina ya Analogy Honey Refractometer  ambacho huangalia wingi wa maji na sukari wakati wa Maadhimisho ya Siku ya Kutundika Mizinga kitaifa yaliyofanyika jana katika wilaya ya Itilima mkoani Simiyu. 
Naibu Waziri wa Maliasili, Mhandisi Ramo Makani (kulia) akizungumza na Afisa Nyuki wa TFS Kanda ya Magharibi, Karim Solyambi kuhusu ufugaji wa nyuki kwa kutumia mizinga ya kisasa ambayo huongeza uzalishaji wa asali wakati wa Maadhimisho ya Siku ya Kutundika Mizinga kitaifa yaliyofanyika jana katika wilaya ya Itilima mkoani Simiyu. 
 Naibu Waziri wa Maliasili, Mhandisi Ramo Makani (wa pili kulia) akizungumza na Afisa Nyuki wa TFS Kanda ya Ziwa, Samuel Magire kuhusu ufugaji wa nyuki kwa kutumia mizinga ya kisasa ambayo huongeza uzalishaji wa asali wakati wa Maadhimisho ya Siku ya Kutundika Mizinga kitaifa yaliyofanyika jana katika wilaya ya Itilima mkoani Simiyu. Kulia ni Mkuu wa Wilaya ya Itilima, Benson Kilangi.
Naibu Waziri wa Maliasili, Mhandisi Ramo Makani (wa pili kulia) akiangalia tuzo na cheti walichopewa kikundi cha Isengwa Lagangabilili kwa kuwa wafugaji bora wa nyuki katika Maadhimisho ya Siku ya Kutundika Mizinga kitaifa yaliyofanyika jana katika wilaya ya Itilima mkoani Simiyu. Kulia ni Mkuu wa Wilaya ya Itilima, Benson Kilangi
 Baadhi ya wananchi walioshiriki Maadhimisho ya Siku ya Kutundika Mizinga kitaifa yaliyofanyika jana katika wilaya ya Itilima mkoani Simiyu wakisikiliza hotuba ya ufunguzi wa maadhimisho hayo kutoka kwa mgeni rasmi, Naibu Waziri wa Maliasili, Mhandisi Ramo Makani (hayuko pichani). Kauli Mbiu ya maadhimisho hayo ni “Ufugaji nyuki kibiashara unachangia katika ukuaji wa viwanda”. 
Naibu Waziri wa Maliasili, Mhandisi Ramo Makani azingumza katika mkutano wa hadhara kwenye maadhimisho hayo katika kijiji cha Lagangabilili wilaya ya Itilima mkoani Simiyu. 
 Mkurugenzi wa Idara ya Misitu na Nyuki, Wizara ya Maliasili akizungumza katika maadhimisho hayo.
Kaimu Katibu Tawala Mkoa wa Simiyu, Tele Ndaki akiwasilisha salamu za Mkoa kwenye maadhimisho hayo.
Baadhi ya washiriki wa hafla hiyo wakifuatilia hotuba ya mgeni rasmi, Naibu Waziri wa Maliasili, Mhandisi Ramo Makani.
Naibu Waziri wa Maliasili, Mhandisi Ramo Makani (kulia) akiwa kwenye picha ya pamoja na baadhi ya viongozi wa Chama (CCM), Serikali, waandaji pamoja na waratibu wa Maadhimisho ya Siku ya Kutundika Mizinga kitaifa yaliyofanyika jana katika wilaya ya Itilima mkoani Simiyu.
Mbunge wa Itilima, Njalu Daudi Silanga akisalimia wananchi kwenye mkutano wa hadhara wakati wa maadhimisho hayo.
Burudani ya kucheza na nyoka pia ilikuwepo katika maadhimisho hayo. 
(PICHA NA HAMZA TEMBA - WIZARA YA MALISILI NA UTALII)
HOTUBA YA NAIBU WAZIRI, MHANDISI RAMO MAKANI KATIKA MAADHIMISHO HAYO
HOTUBA YA MKURUGENZI WA IDARA YA MISITU NA NYUKI, DKT. EZEKIEL MWAKALUKWA KATIKA MAADHIMISHO HAYO

Sunday, October 1, 2017

BAADA YA KUTUMBUA BODI YA JUMUIYA YA HIFADHI YA WANYAMAPORI MBOMIPA, WAZIRI MAGHEMBE APOKEA TAARIFA YA UTEKELEZAJI WA AGIZO ALILOTOA LA KUUNDWA UPYA KWA KATIBA YA JUMUIYA HIYO

Na Hamza Temba - WMU
....................................................................
Waziri wa Maliasili na Utalii, Prof. Jumanne Maghembe amepokea taarifa ya utekelezaji wa agizo alilotoa la kuundwa upya kwa katiba ya Jumuiya ya Hifadhi ya Wanyamapori MBOMIPA na kuagiza rasimu hiyo ifanyiwe marekebisho ya mwisho kabla ya kuwasilishwa kwa wananchi kwa ajili ya mijadala na hatua zaidi za kukamilisha rasimu hiyo.

Alipokea taarifa hiyo juzi (Ijumaa, Septemba 29, 2017) katika kikao alichokiitisha kwenye ukumbi wa ofisi ya Mkuu wa Mkoa wa Iringa, mjini Iringa. Aliagiza kuundwa upya katiba hiyo alipofanya ziara ya kikazi kwenye eneo la Jumuiya hiyo katika kijiji cha Tungamalenga wilayani Iringa mapema mwezi Agosti mwaka huu.

Kufuatia ziara hiyo pamoja na taarifa ya tume aliyoiunda kuchunguza suala hilo alibaini mapungufu mbalimbali ya kikatiba na kuamua kutoa agizo la kuundwa upya kwa katiba hiyo  na kuvunja kabisa bodi ya wadhamini ya jumuiya hiyo. Miongoni mwa mapungufu hayo ni katiba iliyokuwepo awali kukinzana na Sheria mama pamoja na kanuni zake.

Katiba kutoeleza namna ya upatikanaji wa viongozi na namna ya kuwawajibisha, kutoeleza majukumu ya bodi ya wadhamini kwa usahihi na namna ya upatikanaji wa bodi hiyo pamoja na kutoleza wajibu wa wawekezaji katika jumuiya kwa jumuiya yenyewe na kwa Serikali kwa ujumla wake.

Kubwa zaidi ambalo lilisababisha kuvunjwa kwa bodi hiyo ni jumuiya hiyo kujiendesha kwa hasara huku ikiomba fedha kwa wahisani kwa ajili ya kujiendesha wakati kimsingi asasi hiyo ilipaswa kuwa msaada mkubwa kwa wanachama wao ambao ni vijiji vinavyounda Jumuiya hiyo.

Taarifa ya utekelezaji wa agizo hilo iliwasilishwa kwenye kikao hicho na Mwanasheria wa Halmashauri ya Wilaya ya Iringa, Kissah Mbilla kwa niaba ya Mkurugenzi wa halmashauri hiyo. Taarifa hiyo ilijadiliwa na kutolewa mapendekezo mbalimbali ya kuiboresha.

“Baada ya michango yote hii mizuri tuliyotoa hapa leo, nendeni sasa mkairekebishe vizuri izingatie maeneo yote ya msingi ikiwemo mgawanyo sawa wa mapato, kuzingatiwa kwa maeneo ya mapito ya wanyamapori na idadi ya wanachama ijumuishe vijiji vyote vilivyoanzisha Jumuiya hiyo ili kuepusha migogoro ya baadaye inayoweza kujitokeza” aliagiza Prof. Maghembe.

Kikao hicho kilihudhuriwa na Naibu Waziri wa Maliasili na Utalii, Mhandisi Ramo Makani ambaye ni alikuwa Mwenyekiti wa Tume iliyoundwa na Waziri Maghembe kuchunguza mgogoro huo wa MBOMIPA, baadhi ya wajumbe wa tume hiyo na Kamati ya Ulinzi na Usalama ya Mkoa wa Iringa ikiongozwa na Mkuu wa Mkoa huo, Amina Masenza.



Jumuiya ya Hifadhi ya Wanyamapori MBOMIPA iliundwa mwaka 2007 ikiwa wanachama ambao ni vijiji 21 vilivyopo katika tarafa ya Idodi na Pagawa kwenye halmashauri ya Wilaya ya Iringa Vijini mkoani Iringa. Eneo la jumuiya lina ukubwa wa kilomita za mraba 777 na linapakana na Hifadhi ya Taifa ya Ruaha.

Eneo hilo limekuwa likitumika kwa ajili ya shughuli za utalii wa picha, utalii wa uwindaji, utalii wa kiutamaduni na utalii wa kutembea kuangaliwa wanyama. Miongoni mwanyama wanaopatikana katika hifadhi hiyo ni ndege wa aina mbalimbali, mamba, tembo, nyati, swala na wengineo wengi ambao huingia na kutoka kutokea Hifadhi ya Taifa ya Ruaha.
Waziri wa Maliasili, Prof. Jumanne Maghembe (katikati) akizungumza juzi mkoani Iringa mbele ya Kamati ya Ulinzi na Usalama ya mkoa huo baada ya kupokea taarifa ya utekelezaji wa agizo alilotoa mapema mwezi agosti mwaka huu la kuundwa upya kwa katiba ya Jumuiya ya Hifadhi ya Wanyamapori MBOMIPA na kuvunjwa kwa bodi ya wadhamini ya jumuiya hiyo.  Kulia ni Naibu Waziri wa Wizara hiyo, Mhandisi Ramo Makani na Mkuu wa Mkoa wa Iringa, Amina Masenza.
Waziri wa Maliasili, Prof. Jumanne Maghembe (kulia) akimsikiliza Mkuu wa Mkoa wa Iringa, Amina Masenza wakati wakiagana baada ya kupokea taarifa ya utekelezaji wa agizo alilotoa mapema mwezi agosti mwaka huu la kuundwa upya kwa katiba ya Jumuiya ya Hifadhi ya Wanyamapori MBOMIPA na kuvunjwa kwa bodi ya wadhamini ya jumuiya hiyo mkoani Iringa jana.  Nyuma yake ni Naibu Waziri wa Wizara hiyo, Mhandisi Ramo Makani na Mkuu wa Wilaya ya Iringa, Richard Kasesela. 
Naibu Waziri wa Maliasili, Mhandisi Ramo Makani (kulia) akizungumza juzi mkoani Iringa mbele ya Kamati ya Ulinzi na Usalama ya mkoa huo baada ya Waziri wa Wizara hiyo, Prof. Jumanne Maghembe (katikati) kupokea taarifa ya utekelezaji wa agizo alilotoa mapema mwezi agosti mwaka huu la kuundwa upya kwa katiba ya Jumuiya ya Hifadhi ya Wanyamapori MBOMIPA na kuvunjwa kwa bodi ya wadhamini ya jumuiya hiyo.  Kushoto ni Mkuu wa Mkoa wa Iringa, Amina Masenza.
Waziri wa Maliasili, Prof. Jumanne Maghembe (kulia) akizungumza juzi mkoani Iringa mbele ya Kamati ya Ulinzi na Usalama ya mkoa huo baada ya kupokea taarifa ya utekelezaji wa agizo alilotoa mapema mwezi agosti mwaka huu la kuundwa upya kwa katiba ya Jumuiya ya Hifadhi ya Wanyamapori MBOMIPA na kuvunjwa kwa bodi ya wadhamini ya jumuiya hiyo. 
 Mkuu wa Wilaya ya Iringa, Richard Kasesela akichangia hoja ya kuboresha rasimu ya katika mpya ya MBOMIPA katika kikao hicho.
Mwanasheria wa Halmashauri ya Wilaya ya Iringa, Kissah Mbilla akiwasilisha taarifa hiyo mbele ya Waziri Maghembe na Kamati ya Ulinzi na Usalama ya Mkoa wa Iringa.